اهلابكم فى ( همس المشاعرصوت الحب )

اهلابكم فى ( همس المشاعرصوت الحب )صفحه خاصه لعشاق الرومانسيه وملتقى لكل العاشقين .....تحت اشراق ملك الرومانسيه الشاعر فتحى على
مختارات من ديوان ابن الريف وديوان اهات وصرخات وديوان ماتزعليش ياهصر وقد نشر ف عام 2013/2009/2008وجميع مافى الموقع ملك خاص لى ولايجوزاستغلالها سواء من الناحيه الادبيه اوالماديه حفاظا على قانون حمايةالملكيه الفكريه وحق المؤلف فتحى على عبدالمحسن دلهمو/اشمون منوفيه للتواصل مع الشاعرعبر البريدالاكترونى

01228485248 01007617974 (fathy_ali2010@yahoo.com

الضحكــــــــــــــــــــــــــــــــــة

الضحكة اللي فوق شفايفك نستني أحزاني
وبقلبي وعيني شايفك يا عمري وكياني
ساعتها حفرت صورتك في عقلي وخيالي
حلفت ما أحب بعدك ما أحب أنا تاني
الحب عرفته معاكي لاقيت نفسي وياكي
حلفت إني ما أنساكي يا حبي الأولاني
بحبك واسمعيني لقلبك قربيني
وفي حضنك خديني الدنيا تحلالي

اتأ لـــــــــــــــــــــــــــــــــــــــــــــــــــــــــــــــــم

اتألم دوق طعم الألم حس بقلبي اللي اتظلم
ابكي واندم ع اللي ضاع بس يا ريت يفيد الندم
تندم ولا ما تندمش اللي ضاع ما بيرجعش
تزعل ولا ما تزعلش كل اللي بنا اتهدم
مالوش وجود اصبح عدم اتألم دوق معنى الألم
اتألم زي ما اتألمت كم مرة اتعذبت
شربت المر واتحملت كل العذاب والألم

هي دي الحقيقة

انتي بالنسبة لي مجرد صديقة
مش هأعيدها تاني وهي دي الحقيقة
لكن استحالة تكون أنتى الحبيبة
هي دي الحقيقة هي دي الحقيقة
حبيبتي حاجة تانية الله الله عليها
أنا بعت كل الدنيا عشان خاطر عنيها
انت بالنسبة لي مجرد صديقة
مش هأعيدها تاني وهي دي الحقيقة
وهي دي الحقيقة وهي دي الحقيقة
بلاش تعيشي حب وترجعي تلوميني
لأنه كله كدب يا ريت تصدقيني
بكره تلاي الحبيب اللي يقدر حبك
ويكون ليكي طبيب وبحبه يداوي جرحك
وهي دي الحقيقة وهي دي الحقيقة

اخر كلام

اخر كلام هأقوله آخر كلام عندي
سهرت الليل بطوله جرحك بيوجعني
أيام عدت عليا وانت بتجرح فيا
حتى دموع عنيا مش عايزة تفارقني
الحب واديته لك والقلب وهبتهولك
كان باقي إيه تاني عشان أعملهولك
آخرتها تخدعني آخرتها تخدعني
يا حبيبي أنا مش حبيبك طريقي مش طريقك
يبقى خلاص حسيبك وأدور على غيرك
يمكن يعوضني ع اللي ضاع مني
آخر كلام عندي إبعد بعيد عني

سلمت له قلبي

سلمت له قلبي شيلته على راسي
خاني وباع حبي وجرح لي إحساسي
فاتني وغدر بي ودي آخرة إخلاصي
سامحني يا ربي إن كنت أنا آسي
والله خسارة دمع عنيا في اللي جرحني وغدر بيا
اديته حنان وخدت أسية عمره في يوم ما هان عليا
كان حبيبي وكل ما ليا جرحه لسه مأثر فيا
دا نصيبي وحظي يا دنيا غصب عني ومش بايديا

لو كنت صحيح حبيبتك

لو كنت صحيح حبيبتك ماكنتش بعتني
أنا على روحي آمنتك وانت خنتني
بقى عشان عشقتك تبيع وتشتري
صدقني خلاص كرهتك ياللي انت جرحتني
ابعد بقى يا أناني مش عايزه أشوفك تاني
ابعد خلاص انساني ما تقولش بتحبني
عمري ما كنت أتصور بسرعة كده تتغير
وعليا أنا تتكبر بدل ماتحن لي
ما فيش وفا واخلاص ولا حب ولا احساس
حتى مع أعز الناس بتبيع وتشتري

ماتبعديش عنى

ماتبعديش عنى **** ولاتهربيش منى
بعادك بيجننى **** وهروبك بيعذبنى
بتبعدى عنى ليه **** بتهربى منى ليه
قوليلى عملت ايه **** قوليلى يا زهرةعمرى
بايدك تفرحينى **** وبايدك تجرحينى
وبايدك تبكى عينى **** لو بعدتى عنى
ان كان حبك حقيقى **** هاتختارى طريقى
وان كان مش حقيقى **** ح تقولى مش بايدى
حبيتك حب حقيقى **** ياللى نورتي طريقى
دانتى قدرى ونصيبى **** ما بلاش تبعدى عنى
وخليكى دايما جنبى **** ياحبيبة روحى وقلبى
ماتبعديش عنى **** ولاتهربيش منى

منى

اخترتك انا

من بين كل الناس .. اخترتك انا
حبيتك بكل اخلاص.. ودوبنى الهوا
والحب ده احساس .. مش كلام وخلاص
ليكى يا اغلى الناس ياروح قلبى انا
قلبى فى هواكى أسير يا أم الشعر الحرير
قلبك طيب وكبير قربى منى أنا
وبلاش تعذبينى وارحمى بكى عينى
لو انتى بتحبينى خلينى أشوف الهنا

اضحــــــــــــــــــــــــــــــــــــــكى

اضحكى ماتزعليشى *** انسى احزانك واعيشى
الحياه ماتساويشى *** دمعه واحده من عينكى
اضحكى يااحلى ورده *** بكره احلى من النهارده
دالحياه حب وموده *** اضحكى ماتزعليشى
اضحكى وانسى اللى كان *** وانسى الماضي بتاع زمان
وارحمى قلبى الولهان *** وكفايه كده عليه أحزان
اضحكى وانسى الجراح *** بكره احلى م اللى راح
خلى قلبى يعيش مرتاح *** ولّا انتى ما تقدريشى
ماخلاص الحب مات*******لاهوبأيـــــدنا ولاقصدنا

وحشــــــــــــــــــــــــــــــــانى

وحشانى (والله)وحشانى ** ونفسى اخدها ف احضانى
بعنيها الحلوه وحشانى ** اه منها اه يانى
حبيبة عمرى وزمانى ** غيرت كل كيانى
زيها ماشوفت تانى ** وف كل لحظه وحشانى
اسمها دايما على بالى ** صورتها ساكنه ف خيالى
كأنى شايفها قدامى ** ورغم داكله وحشانى
وحشانى عينها الخضره ** وحشانى والله وحشانى
اللى دوبتنى من نظره ** وبقيت عاشق ولهان
دايما بشوفها ف احلامى ** لحظات كتير وثوانى

فين ما تروحي

فين ما تروحي قلبي معاكي ومهما تغيبي هاستناكي
يا حبيبة روحي أنا بهواكي وبقالي سنين دايب فيكي
ما اقدرشي يا روحي أنساكي علطول باحلم بلقاكي
مشتاق يا حبيبتي لعينيكي وبحب كل حاجة فيكي
وأنا مغرم قوي بهواكي وما تحلى الدنيا الا معاكي
حبيبتي هاروح لأبوكي وأطلب منه ايديكي
وأقول له ياعمي بحبها ماقدرش أستغنى عنها
هاقدم قلبي مهرها وكل حياتي ملكها
فين ماتروحي قلبي معاكي ومهما تغيبي هاستناكي

كل اللى باخده منك

كل اللى باخده منك **** ما باخدش غير كلام
لكن البعــــــد عنك **** أرحــــــم الأوهــــام
نظرة عنيك بريئـة **** بتـــدارى ع الحـقيقة
لكن أسلم طـريقــة **** أداوى جــرحى بآلام
عمرى ما فكرت أخونك **** لكــن أنت خــــنتـنى
بالغالى أنا اشتريتك **** برخيــــص بعـــتنى
مابقيتش طايق أشوفك **** ياللى أنت جــرحتنى
إزاى بس إزاى **** كـنت بتحــــــبنــى
آسف لوكنت جرحتك

ليــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه

ليه حياتنا خداع وكدب **** ليه القســـوة ملت القلب
ليه دايما بنخـون بعض **** صعب نــلاقى الحب صعب
ليه حياتنا مابقتش فرح **** بكى وأنين وعـذاب وجرح
ليه بنخون العيش والملح **** ليه بنطفى شمــوع الفرح
ليه حياتنا خداع ف خداع **** بعد ما كانت حنين وأمـان
بعد الحب تنتهى بوداع **** ضاع الطيب الإنســــان

احلف بالله

احلف بالله إنى بحبك **** ولاغيرك خطف قلبى
ومهما أقولك وأعيد لك **** مقدرش أوصفلك حبى
هاقـــول للدنيا كلها **** دى حبيبتى وانا بحبها
مقدرش أبعد عنــها **** مقدرش أدارى وأخبى
انا حبى ليكى ما يتقدر **** فى كل لحظه بيكبر
ومهمــا أقولك وأعبر **** مقدرش أوصفلك حبى

بتفكر في مين؟

بتفكر في مين قوللى **** بتفكر ف مين
وايه شغلك عنى **** ومخليك حزين
تعالى وقرب منى **** واشرب م الحنين
افرح بقى وغنى **** يا مدوخ العاشقين
الله على جمالك **** وسحرك ودلالك
مين زيك أنت مين **** فى عيونك الحلوين

عمال يبكى ويتألم **** وفاكرنى هاحن وأسلم
قلبى اللى جرحه مره **** أكيد من جرحه اتعلم
مش ممكن ارجع تانى **** لقلب خاين وأنانى
عمره ما ضحى عشانى **** وجرحه فى قلبى معلم
كل شويه بيحايلنى **** ويقول لى تعالى جنبى
ما بلاش تبعد عنى **** فى بعدك انا بتألم
عمال ينادى عليا **** ويقول لى ردعليا
ما بلاش القسوه ديا **** ياحبيبى انا ليك باسلم

يا واد يا مدلع

ياواد يامدلع بكفياك دلع......... اناقلبى هايولع أرحمنى ياجدع
سايق دلالك ليه هو انت جنسك ايه ............بقى عشان بحبك بتسوق لى ف الدلع
مش راضى تعبرنى بكلمه أونظره.......... كان نفسى تفهمنى من اول مره
ياواد كفايه حرام سهران ان مابنام................. تعبت م الكلام قلبى منك ولع

ايه اللى بينى وبينك

ايه اللى بينى وبينك **** خلانى افكر فيك
قلبى ماحبش غيرك **** وبدوب فى رمش عينيك
غالى حبيبى غالى **** ياللى شغلت بالى
معاك تحلى الليالى **** وماتحلى الا بيك
بصراحه بحبك موت **** معاك بكون مبسوط
مش عايز لحظه تفوت **** من غير مااشوف عينيك

ما تبكيش يا عينى

ما تبكيش يا عينى **** ع اللى باعنى وخان
ع اللى كان حبيبى **** وهجرنى من زمان
خساره فيه البكا **** لأنه مش انسان
ياما قلبى منه اشتكى **** وداب م الاحزان
مش ممكن ابدآ **** ده يكون حبيبى
ولايمكن ابدآ **** يبقى فى يوم نصيبى
خاين حبيبى خاين **** والخيانه فى دمه
مع انه مش باين **** بيجرح ولا همه

اتعودت عليك

اتعودت عليك ياحبيبى **** اتعودت عليك
انت لما تغيب عن عيني **** ف الاحلام بلاقيك
اتعودت أكون وياك **** كل لحظه أعيشها معاك
وانا علشان دايب فى هواك **** كل حياتى ملك ايديك
اتعودت أشوفك على طول **** ياللى قلبى بيك مشغول
بعدك عنى مش معقول **** علشان انا بتونس بيك
اتعودت انك تسامح **** ياللى حبك فى قلبى جارح
بقولها لك بشكل واضح **** اتعودت عليك

حــــــــــــــــــــــــــــــــكم القدر

نفسى أشوفك عن قريب *** انت ياأغلى حبيب
حكم القدر والنصيب *** جرحى على ايديك يطيب
يا حبيبى امتى ترجع *** العنين عماله تدمع
والاهات ف القلب توجع *** شىء طبيعى ومش غريب
ياحبيبى حس بيا *** قرب م القلب شويه
الحياه والدنيا ديا *** انت يااغلى حبيب

أجمل قمــــــــــــــــــــــــــــــــــــــــر

لو كنت هاعشق قمر *** ما اعشق قمرغيرك
ياحبيبى ياجمل قمر *** النور على جبينك
حبك علمنى السهر *** با سهر أغنيلك
حبيبى جمعنا القدر *** ربط بينى وبينك
يا حبيبى ما أحلاك *** مغرم انا بهواك
نفسى اعيش وياك *** ومن عمرى انا أديلك
يا حبيبى انا حبيت *** غيرك انا ماهويت
وعمرى ما اتمنيت *** أبقى انا لغيرك
يا حبيبى دايب دوب *** فى هواك انا مغلوب
ياللى دوبت قلوب *** عن حبك ماأتوب
قدر ومكتوب *** ف العين انا أشيلك

أنا مش لعبة

أنا مش لعبة ف ايديكى *** عمالة تلعبي بيا
اكمني قلبي شاريكي *** بتشتري وتبيعي فيا
مرة تقولي لي بحبك *** ومرة تبكي عينيا
لو أنا غالي عندك *** خفي م التقل شويا
فاكرة نفسك ايه *** زيك زي البشر
فوقي م اللي انت فيه *** لقلبك ينكسر
ساعتها هاتخدي ايه *** غير العذاب والسهر
حتبقى دي النهايه *** وبكده قلبي انتصر

آســــــــــــــــــــــــــــــــــــــــــــــــــــــــــــــــــــــــــــــــــف

آسف لو كنت جرحتك وبايدي قسيت على قلبك
أرجوك بقى سامحيني ماقدرش اتحمل بعدك
آسف... آسف لأني جرحتك غصب عني
يا حته جوه مني بنام واصحى بحبك
الفرحة والأمان والحب والحنان
ما شفتهومش زمان الا وانا في حضنك
آسف لوكنت جرحتك

وفرى كل الدموع

وفرى كل الدموع *** مبقاش فيه رجوع
قلبى انجرح فى عز الفرح *** وبايديك طفيتى الشموع
مهما تبكى ع اللى كان *** مش ها يرجع الحنان
حبى ضاع من زمان *** وفرى كل الدموع
متطلبيش منى السماح *** مش هاسامحك ع اللى راح
عذ بتى قلبى بالجراح *** وف فرحى طفيتى الشموع
ياحبيتى كفايه كدب *** اللى بينا ما كانش حب
استحاله نرجع لبعض *** وفرى كل الدموع

اصعب شىء

اصعب شىء ان يصبح حبك مجرد شريط زكريات انيين و عذاب واهات!!!!!!!!!!!!!!!!!!!!!

السكوت

السكوت افضل لنا ********بدل مانجرح بعضــــنا
متيجى نسأل نفسنا *****الحب ليه ضاع منـــــنا
بلاش نفكر ف اللى فات****كل شىء بقى زكريات
ماخلاص الحب مات*******لاهوبأيـــــدنا ولاقصدنا ‏

بعتلك جواب

بعتلك جواب......مارديتش عليا
بعدطول غياب.....جاى تبكى عنيا
الحب مش كلمه حلوه
هانقولها لبعضــــــــنا
الحب احساس جميل
بيفرح قلبـــــــــــــــــتنا

اعذرينى

اعذرينى ياحته منى اعذرينى
حبك لسه جوه قلبى صدقينى
استحاله ابعد واروح
قلبى لسه مليان جروح
ولاغيرك انتى هايداوينى
اسألى قلبى اللى حبك
عايش ليلى يحلم باقربك

بص ف عينى وهى تقولك ..
أد ايه ياحبيبتى بحبك
صدقينى صدقينى